ჩინეთმა SoftBank-ის მიერ ABB-ის რობოტიკის ბიზნესის შეძენა შეაჩერა
ჩინეთმა SoftBank-ის მიერ ABB-ის რობოტიკის ბიზნესის 5.4 მილიარდ დოლარად შეძენა შეაჩერა. კომპანიები ჩინეთის ხელისუფლებასთან მოლაპარაკებას აგრძელებენ და ცდილობენ, გარიგება საბოლოოდ არ ჩაიშალოს.
Reuters-ის ინფორმაციით, ჩინეთის ხელისუფლება რობოტიკის სფეროში შეგროვებული მონაცემების აშშ-ში შესაძლო გადაცემის რისკს ხედავს. ყურადღების ცენტრშია SoftBank-ის თანამშრომლობაც დასავლურ ტექნოლოგიურ კომპანიებთან, მათ შორის OpenAI-სთან.
ჩინეთი ABB-ის რობოტიკის ბიზნესისთვის ყველაზე დიდი ბაზარია და გაყიდვების დაახლოებით 30% სწორედ ამ ქვეყანაზე მოდის. შანხაიში მდებარეობს კომპანიის მთავარი ოფისი, კვლევითი ცენტრი და საწარმო. ეს წელს ჩინეთის მიერ შეჩერებული მეორე მსხვილი ტექნოლოგიური გარიგებაა.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
