გადადი ძირითად შინაარსზე
Traders' Hub
ბლოგზე დაბრუნება
საფონდო

ევროპული თავდაცვის კომპანიების აქციების ფასი გაიზარდა

მარიამ ქადარია6 ივლისი, 20261 წთ კითხვა
ევროპული თავდაცვის კომპანიების აქციების ფასი გაიზარდა

ევროპული თავდაცვის კომპანიების აქციების ფასი გაიზარდა. ბაზარზე დადებითი მოლოდინი ნატოს წევრი ქვეყნების მხრიდან სამხედრო ხარჯების ზრდამ და ახალი შეკვეთების მოლოდინმა გააძლიერა.

აქციების ფასმა ზრდა მას შემდეგ დაიწყო, რაც ნატოს გენერალურმა მდივანმა, მარკ რუტემ განაცხადა, რომ თავდაცვის ინდუსტრია გაზრდილი მოთხოვნის დაკმაყოფილებას უკვე ვეღარ ახერხებს.ყველაზე მეტად იტალიური Fincantieri-ის აქციები გაძვირდა, თითქმის 13%-ით. გაიზარდა Leonardo-ს, Saab-ის, Rheinmetall-ისა და Indra-ს აქციების ფასიც.

ნატოს სამიტის წინ მარკ რუტემ აღნიშნა, რომ ალიანსი ახალი დაპირებების ეტაპიდან უკვე მათ პრაქტიკაში განხორციელებაზე გადავიდა. გასულ წელს, აშშ-ის გარდა, ნატოს წევრმა ქვეყნებმა თავდაცვაზე 574 მილიარდი დოლარი დახარჯეს, რაც წინა წელთან შედარებით 20%-ით მეტია. მხოლოდ გერმანიამ სამხედრო ბიუჯეტი 24%-ით გაზარდა და 2029 წლისთვის მისი 180 მილიარდ დოლარამდე გაზრდა აქვს დაგეგმილი.

მიუხედავად მზარდი ინვესტიციებისა, თავდაცვის ინდუსტრია გამოწვევების წინაშე რჩება. საწარმოო შესაძლებლობები თითქმის სრულად დატვირთულია, ხოლო კვალიფიციური კადრების დეფიციტი წარმოების გაფართოებას აფერხებს. ამ ფონზე, ნატოში აშშ-ის ელჩმა ევროპულ კომპანიებს უფრო მჭიდრო თანამშრომლობისკენ მოუწოდა, რათა გაზრდილი დაფინანსება რეალურად სამხედრო წარმოების გაფართოებას მოხმარდეს.

ანალიტიკოსების შეფასებით, ნატოს სამიტზე მთავარი ყურადღება დრონების წარმოებას, უკრაინის სამხედრო მხარდაჭერასა და წევრი ქვეყნების მიერ თავდაცვაზე მშპ-ის 5%-ის დახარჯვის გეგმას დაეთმობა.

წყარო: Investing.com

ჟურნალი შენს ელფოსტაში

მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.

მსგავსი სტატიები

AI ტექნოლოგია18 ნოე. 20261 წთ კითხვა

Microsoft-მა ახალი AI მოდელები წარადგინა

Microsoft-ის ახალი პროდუქტები პროგრამირების, კიბერუსაფრთხოებისა და გამოსახულებების გენერირების შესაძლებლობებს აერთიანებს.

ნუცა ტყეშელაშვილიწაიკითხე
საფონდო18 ნოე. 20262 წთ კითხვა

Zoom-ის, HSBC-ისა და CNN-ის ვებსაიტებზე მავნე კოდი გავრცელდა

კიბერშეტევა მესამე მხარის პლატფორმა Optimizely-ს მოწყვლადობას უკავშირდება და 178 ორგანიზაციის ვებსაიტს შეეხო.

ნუცა ტყეშელაშვილიწაიკითხე
საფონდო18 ნოე. 20261 წთ კითხვა

ოქროს ფასი 14-თვიანი მინიმუმიდან მცირედით გაიზარდა

ძვირფასი ლითონის ფასმა ბოლო ვარდნის შემდეგ სტაბილიზაცია დაიწყო, თუმცა აშშ-ში საპროცენტო განაკვეთების შემდგომი ზრდის რისკები კვლავ ზეწოლას ახდენს ბაზარზე.

ნუცა ტყეშელაშვილიწაიკითხე