ExxonMobil-ისა და Suncor-ის წინააღმდეგ კლიმატურ სარჩელს აშშ-ის უზენაესი სასამართლო განიხილავს
აშშ-ის უზენაესი სასამართლო ExxonMobil-ისა და Suncor Energy-ის წინააღმდეგ შეტანილ სარჩელს განიხილავს. კომპანიები ბოულდერის სარჩელის გაუქმებას ითხოვენ. ქალაქის ხელისუფლებას სურს, ExxonMobil-სა და Suncor-ს კლიმატის ცვლილებით გამოწვეული ზიანის ანაზღაურება დაეკისროთ.
ბოულდერის ხელისუფლება ამტკიცებს, რომ კომპანიები წლების განმავლობაში საზოგადოებას წიაღისეული საწვავის გავლენის შესახებ შეცდომაში შეჰყავდათ და კლიმატის ცვლილებაში თავადაც შეიტანეს წვლილი. ქალაქი მათგან ინფრასტრუქტურის აღდგენის, გარემოსთვის მიყენებული ზიანისა და სხვა დაკავშირებული ხარჯების ანაზღაურებას ითხოვს.
ExxonMobil და Suncor აცხადებენ, რომ მსგავსი საკითხები ფედერალური კანონებით რეგულირდება და შტატის კანონმდებლობის საფუძველზე დავა არ უნდა განიხილებოდეს. ამ პოზიციას ტრამპის ადმინისტრაციაც უჭერს მხარს.
აშშ-ში ნავთობკომპანიების წინააღმდეგ მსგავსი სარჩელი თითქმის 60-მა შტატმა და ადგილობრივმა ხელისუფლებამ შეიტანა. თუ უზენაესი სასამართლო კომპანიების სასარგებლოდ გადაწყვეტს, აღნიშნულმა შესაძლოა სხვა მიმდინარე საქმეებზეც იმოქმედოს. საბოლოო პასუხი 2027 წლის ივნისის ბოლომდეა მოსალოდნელი.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
