Facebook-ზე ხელოვნური ინტელექტის ახალი ფუნქციები დაემატა
Meta-მ Facebook-ზე ხელოვნური ინტელექტის ახალი ფუნქციები დაამატა, რომლებიც მომხმარებლებს ინფორმაციის მოძიებასა და კონტენტის შექმნაში დაეხმარება.
პლატფორმაზე გამოჩნდა ახალი „AI რეჟიმი“, რომელიც მომხმარებლის კითხვებს Facebook-ზე განთავსებული საჯარო პოსტების, ჯგუფებისა და Reels-ების საფუძველზე უპასუხებს. ფუნქცია ხელმისაწვდომია როგორც ძიების განყოფილებაში, ისე სიახლეების ველში (Feed).
განახლება შეეხო ფოტოებისა და ვიდეოების დამუშავების შესაძლებლობებსაც. მომხმარებლებს შეუძლიათ გამოიყენონ ახალი შაბლონები ვიდეოების დასამონტაჟებლად, ხოლო ხელოვნური ინტელექტის დახმარებით შეცვალონ სამოსი, ვარცხნილობა ან სხვადასხვა აქსესუარი ფოტოებზე.
Meta-ის განცხადებით, პერსონალური მონაცემების დაცვა კვლავ პრიორიტეტად რჩება. ფოტოების გაზიარებასთან დაკავშირებული AI ფუნქციები ნებაყოფლობითია და მათი გამორთვა ნებისმიერ დროს არის შესაძლებელი. ახალი შესაძლებლობები Meta-ს ტექნოლოგიაზე, Muse Spark-ზეა დაფუძნებული და Facebook-ის არსებულ ფუნქციებთან სრულად არის ინტეგრირებული.
წყარო: Yahoo Finance
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
