ვენესუელური ნავთობის პირველი ტვირთი ტეხასში ჩავიდა

აშშ-სა და NABEP-ს შორის შეთანხმების ფარგლებში ვენესუელური ნავთობის პირველი ტვირთი ტეხასში ჩავიდა. საუბარია ერთ მილიონ ბარელ მძიმე ნავთობზე, რომელსაც აშშ-ის მთავრობა Exxon Mobil-სა და Citgo-ს ქარხნებს მიჰყიდის.

თეთრი სახლის ინფორმაციით, პირველი ტვირთი აშშ-ს უფასოდ გადაეცა. NABEP-ის თავდაპირველ განცხადებაში ეწერა, რომ ვაშინგტონს ნავთობის 20%-ის თვითღირებულებით შეძენა შეეძლო, თუმცა მოგვიანებით კომპანიამ განმარტა, რომ პირველი პარტია აშშ-ის გადასახადის გადამხდელებისთვის ხარჯის გარეშე გაიგზავნა.

შეთანხმების ფარგლებში ვაშინგტონი NABEP-ის მშობელი კომპანიის 35%-იან წილს ფლობს. კომპანიას ვენესუელაში უკვე 17 საბადოზე აქვს მუშაობის უფლება.

NABEP-ის ცნობით, ამ საბადოებზე ნავთობის მარაგი დაახლოებით 65 მილიარდ ბარელს შეადგენს. კომპანიის დღიური წარმოება ოქტომბერში 223 ათას ბარელს აჭარბებდა, მაშინ როცა ორი წლის წინ დაახლოებით 18 ათასი ბარელი იყო.

წყარო: Reuters