Google-მა Gemini 3.5 Pro-ს გამოშვება გადადო

Google-მა Gemini 3.5 Pro-ს გამოშვება ივნისიდან ივლისისთვის გადაიტანა. კომპანია დამატებით დროს მოდელის შესამოწმებლად და საბოლოო ცვლილებების შესატანად გამოიყენებს.

Gemini 3.5 Pro-ს გამოშვება თავდაპირველად ივნისში იგეგმებოდა. ეს ვადა მაისში გამართულ კონფერენციაზე Google-ის ხელმძღვანელმა, სუნდარ პიჩაიმ დააანონსა. მოგვიანებით კომპანიაში განმარტეს, რომ მოდელი საჯაროდ გამოსაშვებად ჯერ მზად არ იყო.

Google დამატებით ტესტირებას ატარებს და ადრეული შედეგების მიხედვით მოდელში ცვლილებებს შეიტანს. კომპანია ასევე იყენებს იმ გამოცდილებას, რომელიც Flash მოდელზე მუშაობისას მიიღო. ამ ეტაპზე Google ვადის ცვლილებასთან დაკავშირებით დამატებით კომენტარს არ აკეთებს.

წყარო: Investing.com