Google-მა პროგრამირებისთვის ახალი AI მოდელი Gemini 3.7 Flash წარადგინა

Google-მა ახალი ხელოვნური ინტელექტის მოდელი Gemini 3.7 Flash გამოუშვა, რომელიც ძირითადად პროგრამირებისა და სხვადასხვა სამუშაო პროცესის ავტომატიზაციისთვისაა შექმნილი.

კომპანიის ინფორმაციით, ახალი მოდელი უკეთ წერს კოდს, უფრო სწრაფად პოულობს შეცდომებს და მათ გამოსწორებაშიც უფრო ეფექტურია. Gemini 3.7 Flash წინა ვერსიის, Gemini 3.6 Flash-ის გამოშვებიდან სამი კვირის შემდეგ გამოვიდა. Google ახალი მოდელის ერთ-ერთ უპირატესობად შედარებით დაბალ ფასსაც ასახელებს. წლის ბოლომდე ერთი მილიონი შემავალი ტოკენის დამუშავება 0.75 დოლარი ეღირება, ხოლო ერთი მილიონი გამომავალი ტოკენის ღირებულება 3.75 დოლარი იქნება. ეს Gemini 3.6 Flash-ის თავდაპირველ ფასზე ორჯერ ნაკლებია.

მოდელი უკვე ხელმისაწვდომია Gemini Spark-ის საშუალებით Google AI Pro-სა და Ultra-ს მომხმარებლებისთვის 160-ზე მეტ ქვეყანაში.

ინვესტორების ყურადღება ამჟამად Gemini 3.5 Pro-ზეა. Google-ის განცხადებით, მოდელის ტესტირება პარტნიორებთან მიმდინარეობს, თუმცა მისი წარდგენის თარიღი ჯერ უცნობია.

წყარო: Investing.com