Google საძიებო სისტემასა და Google News-ში პერსონალიზაციის ახალ ფუნქციებს ამატებს

Google Search-ს, Discover-სა და Google News-ს ახალ ფუნქციებს ამატებს, რომლებიც მომხმარებლებს სასურველი თემებისა და ინფორმაციის წყაროების არჩევის საშუალებას მისცემს.

ერთ-ერთი სიახლეა Preferred Sources, რომლის საშუალებითაც მომხმარებელს სასურველი ვებსაიტის მონიშვნა შეუძლია. ასეთი წყაროების მასალები შემდეგ უფრო ხშირად გამოჩნდება Google-ის Top Stories-ში, AI Overviews-სა და AI Mode-ში. კომპანიის ინფორმაციით, მომხმარებლებმა უკვე 600 ათასზე მეტი განსხვავებული წყარო აირჩიეს.

ცვლილებები შეეხება Discover-საც. მომხმარებლებს შეეძლებათ საკუთარი სიტყვებით მიუთითონ, რომელი თემების ან ბმულების ნახვა სურთ უფრო ხშირად და რომლების ნაკლებად. Google ამ არჩევანს დაიმახსოვრებს და მასალას მომხმარებლის ინტერესებს მოარგებს.

Google News-ის Android აპლიკაციაში კი მომხმარებლები ყოველდღიური აუდიომიმოხილვის თემების თავად შერჩევას შეძლებენ. თითოეულ მასალასთან მითითებული იქნება ინფორმაციის წყარო და სრული სტატიის ბმული.

წყარო: Investing.com