Halliburton ვენესუელაში ნავთობისა და გაზის პროექტებზე მუშაობას აფართოებს
ამერიკულმა Halliburton-მა ბრაზილიურ ენერგეტიკულ კომპანია Eneva-სა და WESCA-სთან ვენესუელაში ნავთობისა და გაზის პროექტებზე თანამშრომლობის შეთანხმებები გააფორმა. გადაწყვეტილება ქვეყანაში უცხოური ენერგეტიკული კომპანიების მზარდ ინტერესს ემთხვევა.
Eneva-სთან ერთად Halliburton ვენესუელაში ახალი ენერგეტიკული პროექტების შესაძლებლობებს განიხილავს. კომპანიები ბრაზილიაშიც თანამშრომლობენ. WESCA-სთან შეთანხმება კი საბადოების შესწავლასა და მათი განვითარების დაგეგმვას ეხება.
Halliburton ვენესუელაში თითქმის ცხრა ათწლეულია საქმიანობს და ქვეყანაში საკუთარი ინფრასტრუქტურაც აქვს. ვენესუელის ენერგეტიკული სექტორის მიმართ ინტერესი წელს მნიშვნელოვნად გაიზარდა. სექტორში რამდენიმე მსხვილი კომპანია უკვე ამზადებს ახალ პროექტებს. Continental Resources-მა სახელმწიფო PDVSA-სთან შეთანხმებები გააფორმა, Chevron-მა კი განაცხადა, რომ ვენესუელაში ერთობლივი პროექტების ფარგლებში $7 მილიარდს დახარჯავს. ExxonMobil-იც ქვეყანაში დაბრუნების შესაძლებლობას განიხილავს.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
