ინგლისის ბანკმა განაკვეთი 4%-მდე გაზარდა
ინგლისის ბანკმა ძირითადი საპროცენტო განაკვეთი 3.75%-დან 4%-მდე გაზარდა. ეს ბოლო სამ წელზე მეტი ხნის განმავლობაში პირველი მატებაა. გადაწყვეტილებას ცხრა წევრიდან რვამ დაუჭირა მხარი.
ბანკი მომავალი წლის მეორე კვარტალში ინფლაციის 4.8%-მდე ზრდას ელოდება. მთავარი მიზეზი ენერგიის გაძვირება და აშშ-ირანის ომის გახანგრძლივებაა. თუ ნავთობის ფასი ბარელზე დაახლოებით 130 დოლარამდე გაიზრდება, ინფლაციამ 2027 წლის მესამე კვარტალში შესაძლოა 6.2%-საც მიაღწიოს.
ინგლისის ბანკის ხელმძღვანელ ენდრიუ ბეილის თქმით, ეს გადაწყვეტილება არ ნიშნავს, რომ განაკვეთი ახლა აუცილებლად რამდენჯერმე გაიზრდება, თუმცა ახლო აღმოსავლეთში ომის გაგრძელების შემთხვევაში კიდევ ერთი მატება შესაძლებელია.
ბანკი ინფლაციის 2%-იან ნიშნულზე დაბრუნებას მხოლოდ 2028 წლის მესამე კვარტალში ელოდება.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
