ინვესტორების პროგნოზით Tesla-სა და SpaceX-ის შერწყმა გარდაუვალია

ელექტრომობილების გიგანტის, Tesla Inc.-ის შერწყმა აბსოლუტურად გარდაუვალია და ეს მხოლოდ და მხოლოდ დროის საკითხია. ამის შესახებ SpaceX-ის ერთ-ერთმა ადრეულმა ინვესტორმა, პიტერ დიამანდისმა (Peter Diamandis) ოთხშაბათს, Bloomberg Television-თან მიცემულ ინტერვიუში განაცხადა. მისი შეფასებით: "საკითხავი ის კი არ არის, მოხდება თუ არა ეს, არამედ ის, თუ როდის გაერთიანდება ეს ორი კომპანია". დიამანდისის, რომელიც ასევე XPrize Foundation-ის დამფუძნებელი და პოდკასტის წამყვანია, განმარტებით, მსგავსი გარიგება სავსებით ლოგიკურია. პირველ რიგში, ეს ილონ მასკს მისცემს ე.წ. "სუპერ ხმის უფლებას" გაერთიანებულ კომპანიაში. მიუხედავად იმისა, რომ მასკს მსგავსი პრივილეგია SpaceX-ში გააჩნია (სადაც კომპანიის პირველად საჯარო შეთავაზებამდე, ანუ IPO-მდე, მას 85.1%-იანი კონტროლი ჰქონდა), ის მოკლებულია მას საჯაროდ მოვაჭრე კომპანია Tesla-ში.

გარდა ამისა, კომპანიების შერწყმა მასკს მისცემს შესაძლებლობას, ერთობლივად და ეფექტურად მართოს მთლიანი ინფრასტრუქტურა. აღნიშნული სისტემა მოიცავს როგორც Cybercab-ის რობოტაქსების ფლოტს, ისე Tesla-ს მანქანების გამოთვლით და ენერგეტიკულ შესაძლებლობებს. დიამანდისის თქმით, ამ ნაბიჯით საბოლოოდ შეიქმნება ერთიანი "გლობალური ინფრასტრუქტურა როგორც დედამიწაზე, ისე კოსმოსში".

აღსანიშნავია, რომ ილონ მასკმა ამ ტრანზაქციის შესახებ მოლაპარაკებები ჯერ კიდევ SpaceX-ისა და xAI-ის გაერთიანებამდე გამართა, რაზეც Bloomberg-ი იანვარში იუწყებოდა. თავად დიამანდისმა, რომელმაც SpaceX-ში ინვესტირება 2000-იანი წლების ბოლოს განახორციელა და არაერთი კომპანია დააფუძნა, მასკთან ეს თემა პირადად იანვარსა და მარტში განიხილა. CNBC-ის მიერ სამშაბათს გამოქვეყნებული ანგარიში ასევე ადასტურებს, რომ შესაძლო გაერთიანების შესახებ ორივე ფირმის თანამშრომლები შიდა საუბრებში რეგულარულად და ღიად მსჯელობენ.

წყარო: reuters