JD.com-მა MediaMarkt-ისა და Saturn-ის მფლობელი $2.5 მილიარდად შეიძინა
ჩინურმა JD.com-მა გერმანული Ceconomy 2.5 მილიარდ დოლარად შეიძინა. Ceconomy ელექტრონიკის მაღაზიების MediaMarkt-ისა და Saturn-ის მფლობელია და ევროპის 11 ქვეყანაში 1,000-ზე მეტ ობიექტს მართავს.
JD.com გარიგების დახმარებით ჩინეთის ფარგლებს გარეთ გაფართოებასა და ევროპაში ელექტრონიკის წამყვანი ონლაინპლატფორმის შექმნას აპირებს. კომპანია გეგმავს, მომხმარებლებს შეკვეთები მომდევნო დღეს მიაწოდოს, Uber-თან თანამშრომლობით კი 90-წუთიანი მიტანის სერვისიც დანერგოს.
JD.com-ის ევროპული პლატფორმა Joybuy მომავალში MediaMarkt-ისა და Saturn-ის მაღაზიებსაც გამოიყენებს. ჩინურ კომპანიას ევროპაში უკვე 60-ზე მეტი ლოგისტიკური ცენტრი აქვს და ქსელის კიდევ გაფართოებას გეგმავს.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
