ხელოვნური ინტელექტი ონლაინ ვაჭრობას ცვლის

ონლაინ ვაჭრობა ახალ ეტაპზე გადადის. მომხმარებლის ნაცვლად სპეციალური სისტემები შეძლებენ პროდუქტის მოძებნას, შედარებას და ყიდვას.

Bank of America-ის ანგარიშის მიხედვით, ამ მიმართულებით Google ერთ-ერთ წამყვან პოზიციაზეა. კომპანიამ შექმნა სისტემა, რომელიც ხელოვნური ინტელექტის პროგრამებს პირდაპირ აკავშირებს მსხვილ სავაჭრო და ფინანსურ პლატფორმებთან, მათ შორის Walmart-თან, Shopify-სთან, Visa-სა და Mastercard-თან. ამის შედეგად პროგრამას შეუძლია შეამოწმოს, არის თუ არა პროდუქტი ხელმისაწვდომი, შეადაროს პირობები და მომხმარებლის სახელით შესყიდვა დაასრულოს. ამ მიმართულებით კონკურენცია სწრაფად იზრდება, რადგან ბაზარზე აქტიურად მუშაობენ OpenAI, Meta და Amazon-იც. პარალელურად, ისეთი კომპანიები, როგორიცაა Booking, Expedia და DoorDash, საკუთარ ტექნოლოგიურ ხელსაწყოებში ინვესტიციებს ზრდიან, რათა მომხმარებელთან პირდაპირი კავშირი შეინარჩუნონ. ანალიტიკოსების შეფასებით, ეს ცვლილება ონლაინ ვაჭრობას მნიშვნელოვნად შეცვლის და ტექნოლოგიურ კომპანიებს საშუალებას მისცემს, მომხმარებლის გადაწყვეტილებებზე კიდევ უფრო დიდი გავლენა მოახდინონ.

წყარო: Investing.com