KKR EDF-ის განახლებადი ენერგიის ბიზნესს ყიდულობს
KKR ჩრდილოეთ ამერიკაში განახლებადი ენერგიის მიმართულებას აფართოებს. საინვესტიციო კომპანია EDF-ის აშშ-სა და კანადაში არსებულ ქარის, მზის და ენერგიის შენახვის აქტივებს 4.2 მილიარდ დოლარად შეიძენს. გარიგება მოიცავს EDF-ის განახლებადი ენერგიის ბიზნესს ჩრდილოეთ ამერიკაში. შეთანხმების მიხედვით, გარკვეული პირობების შესრულების შემთხვევაში, KKR დამატებით 390 მილიონ დოლარამდეც გადაიხდის.
EDF-ისთვის აღნიშნული ფინანსურად მნიშვნელოვანი ნაბიჯია. ფრანგული სახელმწიფო კომპანია მიღებული თანხის გამოყენებას საფრანგეთში ბირთვული ენერგეტიკის დასაფინანსებლად გეგმავს. საუბარია 57 ძველი რეაქტორის შენარჩუნებასა და 6 ახალი ენერგობლოკის მშენებლობაზე.
KKR-ის ინტერესი განახლებადი ენერგიის მიმართ ელექტროენერგეზე მზარდ მოთხოვნას უკავშირდება. მოთხოვნას ზრდის მონაცემთა ცენტრების გაფართოება, ხელოვნური ინტელექტის განვითარება და ელექტრიფიკაციის პროცესი. შესაძენი პორტფელი 26 გიგავატის სიმძლავრის ქარისა და მზის პროექტებს, ენერგიის შესანახ სისტემებსა და ელექტრომობილების დამტენ ინფრასტრუქტურას მოიცავს.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
