Meta ახალ აპლიკაციას ქმნის
ტექნოლოგიური გიგანტი Meta ახალ აპლიკაციას ქმნის, რომელიც მომხმარებლებს სხვადასხვა მოვლენის შედეგების პროგნოზირების საშუალებას მისცემს.
პროექტის სახელწოდებაა „Arena“ და ის ისეთი პლატფორმების კონკურენტი იქნება, როგორიცაა Polymarket და Kalshi.
გავრცელებული ინფორმაციით, აპლიკაცია Facebook-ის, Instagram-ისა და WhatsApp-ისგან დამოუკიდებლად იმუშავებს. მომხმარებლებს შეეძლებათ სხვადასხვა თემაზე საკუთარი პროგნოზების გაკეთება და ქულების დაგროვება. ამ ეტაპზე რეალური ფულის გამოყენება გათვალისწინებული არ არის, თუმცა კომპანია მომავალში ამ შესაძლებლობასაც განიხილავს. Meta გეგმავს, ახალი პლატფორმის პოპულარიზაციისთვის საკუთარი მრავალმილიარდიანი აუდიტორია გამოიყენოს.
საინტერესოა, რომ Meta-ს ამ გეგმების შესახებ ინფორმაციის გავრცელებისთანავე, ისეთი კომპანიების აქციების ფასი, როგორიცაა Robinhood-ი და DraftKings-ი, ბირჟაზე საგრძნობლად შემცირდა.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
