Microsoft-ის აქციების ფასი სასამართლო დავის შემდეგ შემცირდა

Microsoft-ის აქციონერებმა კომპანიის წინააღმდეგ კოლექტიური სარჩელი შეიტანეს. სარჩელში ნათქვამია, რომ კომპანიამ ინვესტორებს არ მიაწოდა სრული ინფორმაცია Azure-ის ზრდის შენელებისა და ხელოვნურ ინტელექტთან დაკავშირებული დიდი ხარჯების შესახებ.

დავა სიეტლის ფედერალურ სასამართლოში მიჩიგანის საპენსიო ფონდმა დაიწყო. სარჩელს წინ უძღოდა Microsoft-ის აქციების 10%-იანი ვარდნა, რის შედეგადაც კომპანიის საბაზრო ღირებულება დაახლოებით 357 მილიარდი დოლარით შემცირდა. ეს Microsoft-ისთვის ბოლო ექვს წელში აქციების ფასის ყველაზე დიდი ერთდღიანი კლება იყო.

ფინანსური მონაცემებით, Azure-ის ზრდის ტემპი წინა კვარტალთან შედარებით 40%-დან 39%-მდე შემცირდა. ამავე დროს, კომპანიის კაპიტალურმა ხარჯებმა 37.5 მილიარდ დოლარს მიაღწია, რაც წინა წელთან შედარებით 66%-ით მეტია.

მოსარჩელეები მიიჩნევენ, რომ Microsoft-მა რესურსების დიდი ნაწილი ხელოვნური ინტელექტისა და Copilot-ის განვითარებას დაუთმო, რამაც ხარჯები გაზარდა და Azure-ის შესაძლებლობებზე ზეწოლა შექმნა. მოპასუხეებად დასახელებულნი არიან კომპანიის ხელმძღვანელი პირებიც, მათ შორის აღმასრულებელი დირექტორი სატია ნადელა და ფინანსური დირექტორი ემი ჰუდი.

წყარო: Investing.com