Microsoft სპარსეთის ყურის ქვეყნებში $10 მილიარდზე მეტს დახარჯავს
Microsoft 2030 წლამდე არაბთა გაერთიანებულ საამიროებში, საუდის არაბეთში, კატარსა და ქუვეითში $10 მილიარდზე მეტის დახარჯვას გეგმავს. თანხა ღრუბლოვან სერვისებს, ხელოვნური ინტელექტის ინფრასტრუქტურასა და რეგიონული საქმიანობის გაფართოებას მოხმარდება.
კომპანიის პრეზიდენტის, ბრედ სმიტის თქმით, ახლო აღმოსავლეთში მიმდინარე ომის მიუხედავად, Microsoft ხარჯებს ზრდის.
გეგმის ერთ-ერთი მთავარი მიმართულება ციფრული ინფრასტრუქტურის დაცვაა. Microsoft ადგილობრივ ორგანიზაციებს კრიტიკული მონაცემების დაცვასა და შესაძლო თავდასხმებისთვის მომზადებაში დაეხმარება. ომის დროს თავდასხმები მონაცემთა ცენტრებზეც გავრცელდა და Amazon-ის AWS-ის ობიექტებს ბაჰრეინსა და არაბთა გაერთიანებულ საამიროებშიც შეეხო.
Microsoft 2030 წლამდე კიდევ $400 მილიონზე მეტს დახარჯავს წყალქვეშა და სახმელეთო საკომუნიკაციო ქსელებზე. კომპანია თანამშრომლობს არაბთა გაერთიანებული საამიროების G42-თან, საუდის არაბეთის Humain-თან და კატარის Qai-სთან.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
