მსხვილი კომპანიები მათი აქციების ციფრული ვერსიებით ვაჭრობას ეწინააღმდეგებიან

Wells Fargo, Arm Holdings და Intuit იმ კომპანიებს შეუერთდნენ, რომლებიც მათი აქციების ბლოკჩეინზე გადატანას ეწინააღმდეგებიან. ასეთი პოზიცია უკვე 22 კომპანიას აქვს, მათ შორის Microsoft-სა და Alphabet-ს.

ტოკენიზაციის დროს ჩვეულებრივი აქციის ციფრული ვერსია იქმნება, რომლითაც ბლოკჩეინზე შეიძლება ვაჭრობა. OKX-ისა და Intercontinental Exchange-ის ერთობლივ პლატფორმას 63 კომპანიის აქციებზე მსგავსი პროდუქტების შექმნა სურდა. ამ მოდელის ერთ-ერთი უპირატესობა ისაა, რომ ვაჭრობა პრაქტიკულად მთელი დღე იქნება შესაძლებელი, გარიგებების დასრულებას კი ნაკლები დრო დასჭირდება.

აშშ-ის ფასიანი ქაღალდების კომისიის ახალი წესებით, ასეთი პლატფორმები ტრადიციული ბირჟებისთვის დაწესებული მოთხოვნების ნაწილისგან თავისუფლდებიან, თუმცა კომპანიის აქციის ციფრული ვერსიის შექმნა მისი თანხმობის გარეშე ვერ მოხდება. თუ კომპანია წინააღმდეგია, პროექტი შეჩერდება.

Nasdaq-ის თქმით, არასაკმარისმა რეგულაციამ შესაძლოა აქციებით ვაჭრობის ნორმალური პროცესი და მათი ფასის ჩამოყალიბება დააზიანოს. ახალი მოთხოვნებით, ციფრული აქციის მფლობელს ჩვეულებრივი აქციის მსგავსი ხმისა და დივიდენდის უფლება უნდა ჰქონდეს.

წყარო: Reuters