QatarEnergy ამერიკული LNG-ის შესყიდვის გაზრდას გეგმავს

QatarEnergy ამერიკულ Venture Global-თან გრძელვადიან შეთანხმებაზე მოლაპარაკებების ბოლო ეტაპზეა. ყატარული კომპანია წელიწადში სულ მცირე 3 მილიონ ტონა თხევად ბუნებრივ აირს შეიძენს. ხელშეკრულების ვადა და მიწოდების დაწყების თარიღი ჯერ არ შეთანხმებულა.

QatarEnergy ბოლო პერიოდში Venture Global-ისგან თხევად ბუნებრივ აირს მოკლევადიანი კონტრაქტებითაც ყიდულობდა. ამის მიზეზი ჰორმუზის სრუტეში გადაზიდვების შეფერხება გახდა, რის გამოც კომპანიას კლიენტებისთვის შეთანხმებული მოცულობის მიწოდება გაურთულდა.

Venture Global-ს აშშ-ში LNG-ის გაყიდვისთვის ერთ-ერთი ყველაზე დიდი თავისუფალი მოცულობა აქვს. ლუიზიანაში ახალი CP2 ტერმინალის ამუშავების შემდეგ კომპანია შესაძლოა ქვეყნის სიდიდით მეორე LNG ექსპორტიორი გახდეს.

QatarEnergy-ს ცალკე გრძელვადიანი შეთანხმება Cheniere Energy-სთანაც აქვს. 2031-2054 წლებში კომპანია ყოველწლიურად 4 მილიონ ტონა LNG-ს მიიღებს Sabine Pass-ისა და Corpus Christi-ის ტერმინალებიდან.

წყარო: Reuters