ნავთობი გაძვირდა, ტრამპი ირანის წინააღმდეგ ახალ ეკონომიკურ შეზღუდვებს აანონსებს

ნავთობის ფასი გაიზარდა და ბოლო ერთი თვის განმავლობაში ყველაზე მაღალ ნიშნულს მიუახლოვდა. Brent-ის ფასი 0.3%-ით, ბარელზე 91.93 დოლარამდე გაიზარდა, WTI კი 0.25%-ით, 84.60 დოლარამდე.

მთავარი ფაქტორი აშშ-ირანის დაპირისპირებაა. პრეზიდენტმა დონალდ ტრამპმა განაცხადა, რომ ვაშინგტონი ირანის წინააღმდეგ დამატებით და უფრო მკაცრ ეკონომიკურ შეზღუდვებს დააწესებს.

ირანი ამჟამად მკაცრი ამერიკული სანქციების ქვეშაა, მათ შორის ნავთობის ექსპორტის მიმართულებით. ჰორმუზის სრუტეში მოძრაობაც მნიშვნელოვნად შეზღუდულია და კომერციული გადაზიდვები ომამდე არსებულ დონეს მნიშვნელოვნად ჩამორჩება.

ეს ვითარება ნავთობის ბაზარზე მიწოდების შეფერხების რისკს ზრდის. მსხვილმა ეკონომიკებმა სტრატეგიული მარაგების გამოყენებით ნავთობის მიწოდება გაზარდეს, თუმცა ახლო აღმოსავლეთში დაძაბულობა ფასებზე გავლენას მაინც ახდენს.

წყარო: Investing.com