Novo Nordisk 2030 წლამდე ხუთზე მეტი ახალი მსხვილი მედიკამენტის გამოშვებას გეგმავს

Novo Nordisk-მა მომდევნო წლების განვითარების ახალი გეგმა წარადგინა. დანიური ფარმაცევტული კომპანია 2030 წლამდე ხუთზე მეტი ისეთი მედიკამენტის გამოშვებას გეგმავს, რომელთა წლიურმა გაყიდვებმა შესაძლოა თითოეულ შემთხვევაში $1 მილიარდს გადააჭარბოს.

კომპანიის მიზანია, 2035 წლისთვის განვითარების ეტაპზე არსებული მედიკამენტების გაყიდვებმა 150 მილიარდ დანიურ კრონას მიაღწიოს. Novo Nordisk კვლევებს გააფართოებს სიმსუქნისა და დიაბეტის მკურნალობის, ასევე სხვა დაავადებების მიმართულებით.

Novo Nordisk აბის სახით მისაღები GLP-1 მედიკამენტების წარმოების გაზრდასაც გეგმავს. კომპანიის მიზანია, 2030 წლისთვის ასეთი პრეპარატებით ათჯერ მეტი სიმსუქნის მქონე პაციენტი უზრუნველყოს და მთლიანობაში მსოფლიოს მასშტაბით 60 მილიონზე მეტ ადამიანს მიაწოდოს საკუთარი მედიკამენტები.

წყარო: yahoo Finance