Nubank ბრიტანული Monzo-ს შეძენას განიხილავს

ბრაზილიური Nubank ბრიტანულ ციფრულ ბანკ Monzo-სთან შესაძლო გარიგებას განიხილავს. შეთანხმების შემთხვევაში Monzo-ს ღირებულება შესაძლოა £8 მილიარდიდან £10 მილიარდამდე, ანუ დაახლოებით $10.6-13.3 მილიარდამდე განისაზღვროს.

Monzo ორ ვარიანტს განიხილავს. პირველი Nubank-თან გაერთიანებაა, მეორე კი დაფინანსების ახალი რაუნდის ჩატარება. დამატებითი კაპიტალი ბანკს ევროპის სხვა ქვეყნებში საქმიანობის გასაფართოებლად სჭირდება. Monzo-მ და Nubank-მა მოლაპარაკებებზე კომენტარის გაკეთებაზე უარი თქვეს.

Nubank სან-პაულუშია დაფუძნებული და მისი აქციები ნიუ-იორკის საფონდო ბირჟაზე იყიდება. კომპანიის საბაზრო ღირებულება დაახლოებით $65.5 მილიარდია.

Monzo-მ მარტში დასრულებული ფინანსური წელი, გადასახადების გადახდამდე, 87.3 მილიონი ფუნტის მოგებით დაასრულა. წინა წელს ეს მაჩვენებელი £60.5 მილიონი იყო. შემოსავალი £1.2 მილიარდიდან £1.7 მილიარდამდე გაიზარდა. 2024 წლის ოქტომბერში ბანკი £4.5 მილიარდად იყო შეფასებული.

წყარო: Reuters