NYSE და Blockchain.com აქციების ტოკენიზაციას განიხილავენ
ნიუ-იორკის საფონდო ბირჟა და კრიპტობროკერი Blockchain.com აშშ-ში აქციებისა და ETF-ების ტოკენიზაციის შესაძლებლობას განიხილავენ. ამ მიზნით კომპანიებმა თანამშრომლობა დაიწყეს.
ტოკენიზაცია ბლოკჩეინზე ისეთი ტოკენის შექმნას ნიშნავს, რომლის ღირებულებაც კონკრეტული აქციის ან სხვა აქტივის ფასს უკავშირდება. Blockchain.com-ს მსგავსი პროდუქტები ევროპაში უკვე აქვს, თუმცა კომპანიებს ჯერ არ დაუზუსტებიათ, სად გახდება ახალი ტოკენები ხელმისაწვდომი.
შეთანხმება მონაცემების გაცვლასაც მოიცავს. NYSE-ის მფლობელი Intercontinental Exchange Blockchain.com-ის კრიპტობაზრის მონაცემებს გაავრცელებს, კრიპტობროკერი კი საკუთარ აპლიკაციაში NYSE-ის ინფორმაციას გამოიყენებს.
ასეთი ტოკენები მომხმარებლებს აქციებით სტანდარტული სავაჭრო საათების მიღმაც ვაჭრობის საშუალებას აძლევს, თუმცა მათი მფლობელები ხშირად აქციონერის ჩვეულებრივ უფლებებს ვერ იღებენ. აშშ-ის ფასიანი ქაღალდებისა და ბირჟების კომისიამ ახლახან ხუთწლიანი გამონაკლისი დაამტკიცა, რომელიც შესაბამის პლატფორმებს ტოკენიზებული ფასიანი ქაღალდების შეთავაზებას უმარტივებს.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
