OpenAI GPT-5.6-ის რამდენიმე მოდელს 80%-მდე აიაფებს

OpenAI-მ GPT-5.6 სერიის რამდენიმე მოდელზე ფასების შემცირება გადაწყვიტა. კომპანიის ცნობით, აღნიშნული ტექნიკური გაუმჯობესებისა და მომსახურების ხარჯების შემცირებიდან გამომდინარე გახდა შესაძლებელი.

ყველაზე მეტად, 80%-ით, სერიის სწრაფი და შედარებით იაფი მოდელი Luna გაიაფდა. საშუალო კლასის Terra-ს ფასი 20%-ით შემცირდა და ტარიფები, შესაბამისად, 2 და 12 დოლარი გახდა.

OpenAI-ის განმარტებით, მოდელების ოპტიმიზაციამ, მათ შორის კოდთან მუშაობის გაუმჯობესებამ, მომსახურების საერთო დანახარჯები დაახლოებით 20%-ით შეამცირა.

ყველაზე მძლავრი მოდელის, Sol-ის ძირითადი ფასი უცვლელი დარჩა, თუმცა მას დაემატა ფასიანი სწრაფი რეჟიმი, რომელიც პასუხებს სტანდარტულ ვერსიაზე დაახლოებით 2.5-ჯერ სწრაფად ამუშავებს.

ფასების შემცირებით OpenAI ცდილობს, მზარდი კონკურენციის პირობებში ბიზნესკლიენტებისთვის საკუთარი სერვისები უფრო ხელმისაწვდომი გახადოს, რადგან კომპანიები ხელოვნური ინტელექტის გამოყენების ხარჯებს სულ უფრო მეტად აკვირდებიან.

წყარო: Investing.com