OpenAI კიბერუსაფრთხოების ახალ ინსტრუმენტებს წარადგენს

OpenAI-მ კიბერუსაფრთხოების მიმართულებით მასშტაბური ინიციატივა Daybreak გააფართოვა, რაც პროგრამული კოდის ავტომატურ შემოწმებასა და ხარვეზების დროულ აღმოფხვრას გულისხმობს. პროექტის ფარგლებში წარმოდგენილი Codex Security-ის განახლებული პლაგინი დეველოპერებს საშუალებას აძლევს, კოდის სიღრმისეული ანალიზი, განსაზღვრონ თავდასხმის შესაძლო გზები და შექმნან ხარვეზების გამოსასწორებელი ვერსიები.

აღსანიშნავია, რომ სატესტო რეჟიმში ამ ინსტრუმენტმა უკვე დაამუშავა 30 მილიონზე მეტი კოდის ცვლილება და ნახევარ მილიონზე მეტი პრობლემა ავტომატურად მოაგვარა.

კომპანიამ ასევე წარადგინა სპეციალიზებული მოდელი GPT-5.5-Cyber, რომელიც კიბერუსაფრთხოების ამოცანების შესასრულებლად ამ დრომდე შექმნილ ხელოვნურ ინტელექტებს შორის ყველაზე ძლიერია. უუსაფრთხოების მიზეზებით, მისი გამოყენება მხოლოდ იმ სპეციალისტებს შეეძლებათ, რომლებსაც შესაბამისი ნებართვა ექნებათ.

კომპანია მუშაობს IBM-თან, Cisco-სთან, Accenture-თან და Palo Alto Networks-თანაც. ცალკე პროგრამა, Patch the Planet, ღია კოდის მქონე პოპულარული პროგრამების გაძლიერებას ეხება, მათ შორის Python-ს, Go-სა და cURL-ს. ამ მიმართულებით OpenAI თანამშრომლობს როგორც ტექნოლოგიურ კომპანიებთან, ისე ევროკავშირის ინსტიტუტებთან და რამდენიმე ქვეყნის მთავრობასთან.

წყარო: Investing.com