ოქროს ფასი მკვეთრად შემცირდა

ოქროს ფასი მიმდინარე წლის ყველაზე დაბალ ნიშნულამდეა შემცირებული. ფასის 12.8%-იანი კლება ყველაზე დაბალი მაჩვენებელია 2008 წლის შემდეგ.

ფასზე ზეწოლას, პირველ რიგში, აშშ-ის ფედერალური სარეზერვო სისტემის მკაცრი პოლიტიკა აძლიერებს. დოლარის გამყარებამ და მოლოდინმა, რომ წლის ბოლომდე საპროცენტო განაკვეთები შესაძლოა კიდევ გაიზარდოს, ოქროზე მოთხოვნა შეამცირა. ასეთ გარემოში ინვესტორებისთვის ოქრო ნაკლებად მიმზიდველი ხდება, რადგან მაღალი განაკვეთების პირობებში ფულის სხვა აქტივებში დაბანდება უფრო მომგებიან ალტერნატივად აღიქმება.

ფასებზე გავლენას ინფლაციის შენარჩუნების მოლოდინიც ახდენს. ენერგორესურსებზე მაღალი ფასები და ტექნოლოგიურ სექტორში გაზრდილი მოთხოვნა, განსაკუთრებით ხელოვნური ინტელექტის ინდუსტრიის მხრიდან ჩიპებზე, ელექტრონიკის გაძვირების რისკს აჩენს.

ოქროს კლების ფონზე გაიაფდა სხვა ძვირფასი ლითონებიც. ივნისში ვერცხლის ფასი 24.2%-ით შემცირდა, პლატინა კი თითქმის 19%-ით. არსებული ეკონომიკური ფონი კი ძვირფას ლითონებში ინვესტირებას ნაკლებად მიმზიდველს ხდის.

წყარო: Investing.com