Oura IPO-თი $2.2 მილიარდამდე თანხის მიღებას გეგმავს
ჭკვიანი ბეჭდების მწარმოებელმა Oura-მ აშშ-ში აქციების პირველადი საჯარო შეთავაზებისთვის მზადება დაიწყო. კომპანია და მისი აქციონერები 50 მილიონი აქციის გაყიდვას გეგმავენ, თითო აქციის ფასი კი $40-დან $44-მდე იქნება. აქედან გამომდინარე, Oura-ს ღირებულებამ შესაძლოა $15.62 მილიარდს მიაღწიოს. IPO მომავალ კვირაშია მოსალოდნელი.
შეთავაზებით უკვე დაინტერესდნენ მსხვილი ინვესტორებიც. Eli Lilly-მ $100 მილიონამდე ღირებულების აქციების შეძენის სურვილი გამოთქვა, Dragoneer-მა კი შესაძლოა $300 მილიონამდე დახარჯოს.
Oura-ს შემოსავალი 2026 წლის პირველი ცხრა თვის განმავლობაში, წინა წლის ანალოგიურ პერიოდთან შედარებით, დაახლოებით 74%-ით გაიზარდა და 1.21 მილიარდ დოლარს მიაღწია. კომპანიამ ბოლო 12 თვეში 3.6 მილიონი ჭკვიანი ბეჭედი გაყიდა. წლის ბოლოს Oura დაახლოებით 5.7 მილიონ ფასიან მომხმარებელს ელოდება, რაც წინა წელთან შედარებით 96%-იანი ზრდა იქნება.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
