Oura-მ $2.2-მილიარდიანი IPO გადადო

ჭკვიანი ბეჭდების მწარმოებელმა Oura-მ ბირჟაზე გასვლა გადადო. Oura IPO-ს ფარგლებში 50 მილიონი აქციის შეთავაზებას და მაქსიმუმ 2.2 მილიარდი დოლარის მოზიდვას გეგმავდა. აქედან მხოლოდ 13.5 მილიონი იქნებოდა კომპანიის მიერ ახლად გამოშვებული აქცია, დანარჩენი 36.5 მილიონი კი უკვე არსებულ აქციონერებს ეკუთვნოდათ.

ინვესტორების ნაწილისთვის სწორედ ეს გახდა ერთ-ერთი მთავარი პრობლემა. მათი შეფასებით, IPO-ზე არსებული აქციონერების კუთვნილი აქციების დიდი რაოდენობით შეთავაზება კომპანიის სამომავლო ზრდასთან დაკავშირებით კითხვებს აჩენდა.

აქციების მაქსიმალურ ფასად გაყიდვის შემთხვევაში, Oura-ს ღირებულება დაახლოებით 14.1 მილიარდ დოლარს მიაღწევდა. ოფციებისა და სხვა უფლებების გათვალისწინებით კი კომპანიის შეფასება თითქმის 15 მილიარდ დოლარამდე გაიზრდებოდა. მოთხოვნა გასაყიდ აქციებს დაახლოებით ოთხჯერ აღემატებოდა, თუმცა კომპანიამ ბირჟაზე გასვლა მაინც გადადო და უფრო ხელსაყრელ დროს დაელოდება.

წყარო: Investing.com