სამხრეთ კორეა აშშ-ში $20-მილიარდიან ენერგეტიკულ პროექტს განიხილავს

სამხრეთ კორეამ აშშ-ში დაგეგმილი $350-მილიარდიანი საინვესტიციო პროგრამის ფარგლებში პირველი პროექტი შეარჩია. საუბარია ტეხასში 6.3 გიგავატი სიმძლავრის გაზზე მომუშავე ელექტროსადგურზე, რომლის ღირებულება $20 მილიარდს აღემატება.

პროექტმა აშშ-ის მთავრობის სპეციალური საინვესტიციო კომიტეტის თანხმობა უნდა მიიღოს. მხარეებს შორის მოლაპარაკებებიც გაგრძელდება. სამხრეთ კორეის ხელისუფლება განსაკუთრებულ ყურადღებას პროექტების ფინანსურ მხარეს აქცევს და ცდილობს, შეთანხმებული ინვესტიციები ეკონომიკურად გამართლებული იყოს.

სეული კიდევ რამდენიმე პროექტს განიხილავს. მათ შორისაა აშშ-ში სამხრეთკორეული ტექნოლოგიით ორი ატომური რეაქტორის მშენებლობა და ამერიკულ Westinghouse-ში 5%-დან 10%-მდე წილის შესაძლო შეძენა. Alaska LNG-ის პროექტში მონაწილეობაზე გადაწყვეტილება ჯერ მიღებული არ არის.

$350-მილიარდიანი პროგრამა აშშ-სა და სამხრეთ კორეას შორის სავაჭრო შეთანხმების ნაწილია. შეთანხმების შედეგად სამხრეთკორეულ საქონელზე ამერიკული ტარიფი 15%-მდე შემცირდა.

წყარო: Investing.com