სამხრეთ კორეა კრიპტოვალუტას სახელმწიფო აქტივად აღიარებს
სამხრეთ კორეა 76 წლის შემდეგ პირველად ცვლის სახელმწიფო ქონების მართვის წესებს. ქვეყნის ეკონომიკისა და ფინანსთა სამინისტრომ ახალი კანონპროექტი წარადგინა, რომლის მიხედვითაც სახელმწიფო ქონებად მომავალში მხოლოდ უძრავი ქონება აღარ ჩაითვლება.
ახალი კანონი სახელმწიფო აქტივების ჩამონათვალში ციფრულ აქტივებს, კრიპტოვალუტებსა და ინტელექტუალურ საკუთრებასაც შეიტანს. ცვლილება დაახლოებით 940 მილიარდი დოლარის ღირებულების ქონებას შეეხება.
ამ დრომდე მოქმედი კანონმდებლობა 1950 წელს იყო მიღებული და ძირითადად მიწისა და შენობების მართვაზე იყო მორგებული. ახალი წესებით, სახელმწიფო მის საკუთრებაში არსებული ქონებისგან შემოსავლის მიღებასაც გეგმავს და მხოლოდ მის შენარჩუნებაზე აღარ იქნება ორიენტირებული.
გეგმის ერთ-ერთი ნაწილი სახელმწიფო ობლიგაციების ციფრულ ფორმატში გამოშვებას ითვალისწინებს. გეგმის მიხედვით, 2027 წლიდან სახელმწიფო ობლიგაციები ციფრული ფორმით გაიცემა. ამისთვის ცენტრალური ბანკის ციფრული ვალუტის სისტემას გამოიყენებენ. ხელისუფლების გეგმით, მოქალაქეებს ამ ობლიგაციების შეძენა და მათგან შემოსავლის მიღება შეეძლებათ.
აშკარაა, რომ სამხრეთ კორეა კრიპტოვალუტას მხოლოდ მაღალი რისკის მქონე საინვესტიციო საშუალებად აღარ განიხილავს. ის თანდათან ქვეყნის ფინანსური სისტემის ნაწილად იქცევა. სამხრეთ კორეა კრიპტოვალუტებით ვაჭრობის ერთ-ერთი ყველაზე აქტიური ბაზარია. ქვეყანაში ამ სფეროში დაახლოებით 18 მილიონი ადამიანია ჩართული, ხოლო ადგილობრივ ბაზარზე მსოფლიო ვაჭრობის მნიშვნელოვანი ნაწილი მოდის.
წყარო: Yahoo Finance
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
