Saudi Aramco გაზის ბიზნესის გამოყოფას გეგმავს
Saudi Aramco ბიზნესის რეორგანიზაციას და გაზის მიმართულების შექმნას გეგმავს. კომპანია მომავალში აღნიშნული ბიზნესის ბირჟაზე განთავსებასაც განიხილავს.
ცვლილების შემდეგ Aramco-ში სამი ძირითადი მიმართულება იქნება. ნავთობისა და გაზის მოპოვებასა და გადამუშავებას გაზის ცალკე ბიზნესი დაემატება. თითოეულ მიმართულებას საკუთარი ხელმძღვანელი ეყოლება. ახალი სტრუქტურის ფარგლებში კომპანია საუდის არაბეთში ბუნებრივი აირის პროექტებზე იმუშავებს და სხვა ქვეყნებში თხევადი ბუნებრივი აირის ბიზნესსაც გააფართოებს.
გეგმის მნიშვნელოვანი ნაწილია Jafurah-ის საბადო, რომელმაც მუშაობა გასულ წელს დაიწყო. პროექტი ელექტროენერგიის წარმოებაში ნავთობის ნაწილის ბუნებრივი აირით ჩანაცვლებას ითვალისწინებს, რაც ქვეყანას მეტი ნავთობის ექსპორტის საშუალებას მისცემს.
Aramco დამატებითი თანხის მიღების სხვა გზებსაც განიხილავს. ერთ-ერთი ვარიანტია გაზის ბიზნესის მცირე წილის ბირჟაზე განთავსება. გასულ წელს კომპანიამ Jafurah-ის გაზის გადამუშავების ინფრასტრუქტურასთან დაკავშირებული გარიგებით $11 მილიარდი მიიღო.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
