Shell LNG-ის გაყიდვების ზრდას ელოდება

Shell მეორე კვარტალში თხევადი ბუნებრივი აირის გაყიდვების უკეთეს მაჩვენებელს ელოდება, თუმცა ახლო აღმოსავლეთში არსებული ვითარება კომპანიის გაზის წარმოებაზე უარყოფითად აისახება.

კომპანიის წინასწარი მონაცემებით, მეორე კვარტალში გაზის მიმართულებით წარმოება პირველ კვარტალთან შედარებით შემცირდება. ამის მთავარი მიზეზი ახლო აღმოსავლეთში მიმდინარე კონფლიქტია, რომელმაც ყატარიდან მიწოდების მოცულობა შეამცირა. მიუხედავად ამისა, Shell-მა LNG-ის გაყიდვების პროგნოზი ოდნავ გაზარდა და ახლა 7.4-7.8 მილიონ ტონას ელოდება.

კომპანია გაზის ვაჭრობის მიმართულებით უკეთეს შედეგს ელოდება. გაუმჯობესებულია ნავთობპროდუქტებისა და ქიმიური პროდუქტების მიმართულებაც. ნავთობის გადამუშავებიდან მიღებული მარჟა ბარელზე 20 დოლარამდე გაიზარდა, ხოლო ქიმიური პროდუქტების მარჟა ტონაზე 240 დოლარს აღწევს, თუმცა Shell განმარტავს, რომ ბაზარზე ფასების მერყეობის გამო საბოლოო მოგება შესაძლოა პროგნოზზე დაბალი აღმოჩნდეს.

ფინანსური კუთხით, Shell მეორე კვარტალში 1-დან 6 მილიარდ დოლარამდე გაუმჯობესებას ელოდება. საბოლოო შედეგებს Shell 30 ივლისს გამოაქვეყნებს.

წყარო: Investing.com