Snorkel AI-ს ღირებულება $3.5 მილიარდამდე გაიზარდა
Snorkel AI-მ ინვესტორებისგან $350 მილიონი მიიღო. ახალი გარიგებით სან-ფრანცისკოში დაფუძნებული AI კომპანია $3.5 მილიარდად შეფასდა, რაც 2025 წლის მაისში დაფიქსირებულ $1.3-მილიარდიან მაჩვენებელზე თითქმის სამჯერ მეტია.
დაფინანსების რაუნდს Insight Partners და S32 ხელმძღვანელობდნენ. მასში Addition, Greylock და Wells Fargo-ც მონაწილეობდნენ.
Snorkel AI თავდაპირველად პროგრამულ უზრუნველყოფას ქმნიდა, მოგვიანებით კი AI მოდელების სწავლებისთვის საჭირო მონაცემების მომზადებაზე გადაერთო.
Snorkel AI-ს მომსახურებით AI კომპანიები, მსხვილი კორპორაციები და აშშ-ის ფედერალური უწყებებიც სარგებლობენ.
კომპანიის წლიურმა შემოსავალმა მიმდინარე ტემპით $350 მილიონს გადააჭარბა. ერთი წლის წინ ეს მაჩვენებელი დაახლოებით $20 მილიონი იყო. მიღებული თანხით Snorkel AI ახალი მკვლევრებისა და ინჟინრების დაქირავებას და სხვა სფეროებში გაფართოებას გეგმავს.
წყარო: Yahoo Finance
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
