Snowflake-ის აქციები 36%-ით გაიზარდა — კომპანია AWS-თან $6 მილიარდიან შეთანხმებას აფორმებს
ქლაუდ და მონაცემთა ანალიტიკის კომპანიამ ძლიერი ფინანსური შედეგებისა და Amazon Web Services (AWS)-თან გაფორმებული $6 მილიარდიანი AI ინფრასტრუქტურის შეთანხმების შემდეგ წინასაბაზრო ვაჭრობაში 36%-იანი ზრდა აჩვენა.
თუ ეს ზრდა შენარჩუნდება, კომპანიის საბაზრო კაპიტალიზაციას $20 მილიარდზე მეტი დაემატება. Snowflake-მა წლიური პროდუქტის შემოსავლის პროგნოზიც გააუმჯობესა, რამაც ინვესტორების განწყობა მნიშვნელოვნად შეცვალა. მიუხედავად ამისა, კომპანიის აქციები წლის დასაწყისიდან ჯერ კიდევ დაახლოებით 20%-ით არის შემცირებული.
ანალიტიკოსების შეფასებით, ბაზარზე დიდი სკეპტიციზმი არსებობდა იმის გამო, რომ AI ტექნოლოგიები ტრადიციულ პროგრამულ ბიზნესს შეცვლიდა, თუმცა Snowflake-მა აჩვენა, რომ ხელოვნური ინტელექტი უკვე რეალურად ზრდის კომპანიის შემოსავლებს.
კომპანია აქტიურად ავითარებს AI პროდუქტებს, მათ შორის Cortex Code-სა და Snowpark-ს, რომლებიც კომპანიებს გენერაციული AI აპლიკაციების შექმნასა და machine learning მოდელების გამოყენებაში ეხმარება.
AWS-თან პარტნიორობა Snowflake-ს საშუალებას მისცემს გააძლიეროს AI ინფრასტრუქტურა, გააფართოოს ინტეგრაციები და კლიენტებს AI პროექტების მასშტაბირებაში დაეხმაროს. შედეგების შემდეგ მინიმუმ 22 საინვესტიციო ბანკმა და კვლევითმა კომპანიამ Snowflake-ის სამიზნე ფასები გაზარდა. ანალიტიკოსები მიიჩნევენ, რომ კომპანია პოზიციებს აძლიერებს კონკურენტებთან, მათ შორის Databricks და Google BigQuery-თან ბრძოლაში.
