SoftBank OpenAI-ში ინვესტიციისთვის $11 მილიარდზე მეტის ობლიგაციებს გამოუშვებს
SoftBank-მა 10 მილიარდი დოლარისა და 1 მილიარდი ევროს ობლიგაციების განთავსება დაიწყო. მიღებული თანხის დიდ ნაწილს კომპანია OpenAI-ში მორიგი ინვესტიციისთვის გამოიყენებს.
იაპონურმა ჯგუფმა OpenAI-ში დამატებითი ინვესტიციის მესამე ეტაპისთვის $10 მილიარდი უნდა გადაიხადოს. გარიგება, სავარაუდოდ, 1 ოქტომბერს დასრულდება. SoftBank-ს ამ თანხის დასაფინანსებლად მანამდე $10-მილიარდიანი მოკლევადიანი სესხი ჰქონდა აღებული, რომელსაც ახალი ობლიგაციებით ჩაანაცვლებს.
თუ ობლიგაციები დაგეგმილი მოცულობით განთავსდა, ეს აზია-წყნარი ოკეანის რეგიონსა და იაპონიაში არაფინანსური კომპანიის მიერ ობლიგაციების ყველაზე მასშტაბური გამოშვება იქნება. წინა რეკორდი 7-Eleven-ს ეკუთვნოდა, რომელმაც 2021 წელს $10.93 მილიარდის ობლიგაციები გამოუშვა.
ობლიგაციების საბოლოო პირობები 24 სექტემბერს უნდა განისაზღვროს, გარიგების დასრულება კი 29 სექტემბერს იგეგმება. Fitch-მა მათ BB+ რეიტინგი მიანიჭა.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
