SpaceX ლუიზიანაში $100-მილიარდიან Starship-ის კომპლექსს ააშენებს

SpaceX აშშ-ის შტატ ლუიზიანაში Starship-ის რაკეტებისთვის ახალ კოსმოსურ კომპლექსს ააშენებს. პროექტის ღირებულება 100 მილიარდ დოლარს შეადგენს და კომპანია იქიდან მომავალში წელიწადში ათასობით Starship-ის გაშვებას გეგმავს.

ახალი კომპლექსი Pecan Island-ზე, დაახლოებით 50 ათას ჰექტარზე განთავსდება და მას Starbase, Louisiana ეწოდება. მშენებლობა მომავალ წელს დაიწყება, პირველი Starship-ის გაშვება კი 2029 წლისთვის იგეგმება. SpaceX-ის პრეზიდენტის, გვინ შოტველის განცხადებით, კომპლექსს საკუთარი საწვავის წარმოებისა და ელექტროენერგიის გამომუშავების შესაძლებლობა ექნება.

ტერიტორიაზე ასევე მოეწყობა რაკეტების მომსახურებისთვის საჭირო ობიექტები და ღრმაწყლოვანი პორტი. კომპანია აეროპორტის მშენებლობასაც განიხილავს.

SpaceX-ის ინფორმაციით, პროექტი რეგიონში 3,000-ზე მეტ სამუშაო ადგილს შექმნის. ლუიზიანის გუბერნატორი ჯეფ ლენდრი პროექტს შტატისთვის მნიშვნელოვან ეკონომიკურ შესაძლებლობად მიიჩნევს.

კომპანიის გეგმებს მოსახლეობის ნაწილის კრიტიკაც მოჰყვა. მათ გარემოზე შესაძლო გავლენა, წყლის დაბინძურება და მიმდებარე მიწებზე ზეწოლა აწუხებთ.

წყარო: Investing.com