SpaceX-მა Reflection AI-სთან 6.3-მილიარდიანი შეთანხმება გააფორმა
ხელოვნური ინტელექტის ბაზარზე ახალი მასშტაბური გარიგება შედგა. გავრცელებული ინფორმაციით, ილონ მასკის კომპანია SpaceX-მა ხელოვნური ინტელექტის სტარტაპ Reflection AI-სთან, 6.3 მილიარდი დოლარის ღირებულების შეთანხმება გააფორმა. გავრცელებული ინფორმაციით, კომპანიამ Reflection AI-სთან 6.3 მილიარდი დოლარის ღირებულების შეთანხმება გააფორმა.
ხელშეკრულება 2029 წლამდე მოქმედებს. Reflection AI SpaceX-ის Colossus-ის მონაცემთა ცენტრში არსებულ Nvidia GB300 ჩიპებს გამოიყენებს. კომპანია ამ სერვისისთვის 2026 წლის 1 ივლისიდან თვეში 150 მილიონ დოლარს გადაიხდის.
Colossus თავდაპირველად ილონ მასკის ჩატბოტ Grok-ისთვის შეიქმნა, თუმცა SpaceX ახლა ამ რესურსს სხვა კომპანიებსაც სთავაზობს. მსგავსი შეთანხმებები კომპანიას უკვე აქვს Anthropic-სა და Google-თან.
Reflection AI ღია კოდის მქონე ხელოვნური ინტელექტის მოდელებზე მუშაობს. ასეთი სისტემების მიმართ ინტერესი გაიზარდა მას შემდეგ, რაც ზოგიერთმა კომპანიამ საკუთარ მოდელებზე წვდომა შეზღუდა და მომხმარებლებმა დახურულ პლატფორმებზე დამოკიდებულების შემცირება დაიწყეს. შეთანხმება მხარეებს თანამშრომლობის შეწყვეტის შესაძლებლობასაც აძლევს. საწყისი სამთვიანი პერიოდის შემდეგ, კონტრაქტის შეწყვეტა 90 დღით ადრე გაფრთხილების შემთხვევაში იქნება შესაძლებელი.
წყარო: Yahoo Finance
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
