Starship-მა პირველად მიაღწია ორბიტას და 26 თანამგზავრი განათავსა
SpaceX-ის Starship-მა მეთოთხმეტე საცდელი ფრენისას პირველად მიაღწია ორბიტას და 26 ახალი თაობის Starlink-ის თანამგზავრი განათავსა. მიუხედავად წარმატებული შედეგისა, ერთ-ერთი ძრავის ნაადრევი გათიშვის გამო მისია დროზე ადრე დასრულდა.
ფრენა თავდაპირველად ათ საათზე იყო დაგეგმილი, თუმცა SpaceX-მა მისი ხანგრძლივობა სამ საათამდე შეამცირა. ერთ-ერთი მთავარი ძრავა ნაადრევად გაითიშა და თავდაპირველად კომპანიაში ვარაუდობდნენ, რომ Starship ორბიტამდე ვეღარ მიაღწევდა. მოგვიანებით ინჟინრებმა დაადასტურეს, რომ ხომალდს დარჩენილი ძრავებით საჭირო მანევრის შესრულება შეეძლო და Starship ორბიტაზე წარმატებით გავიდა.
ორბიტაზე გასვლის შემდეგ Starship-მა დაახლოებით 269 კილომეტრის სიმაღლეზე 26 თანამგზავრი ეტაპობრივად გაუშვა. ეს Starship-ის პირველი მისია იყო, რომლის დროსაც ხომალდმა რეალური ტვირთი გადაიტანა და SpaceX-ს შემოსავალიც მოუტანა.
Super Heavy-ის პირველი საფეხური მექსიკის ყურეში დაეშვა, Starship-მა კი ფრენა წყნარ ოკეანეში დაშვებით დაასრულა. ხომალდზე ეკიპაჟი არ ყოფილა.
SpaceX Starship-ის რეგულარული გამოყენების დაწყებას წლის ბოლოს გეგმავს. ხომალდი მრავალჯერადი გამოყენებისთვის იქმნება და მომავალში Starlink-ის თანამგზავრების გაშვებასა და NASA-ს მთვარის მისიებში გამოიყენებენ.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
