თუ ინფლაცია არ შენელდება, Fed განაკვეთის გაზრდას განიხილავს

თუ ინფლაცია უახლოეს პერიოდში არ შენელდება, აშშ-ის ფედერალურმა სარეზერვო სისტემამ შესაძლოა საპროცენტო განაკვეთი გაზარდოს. ამის შესახებ ბოსტონის ფედერალური სარეზერვო ბანკის პრეზიდენტმა სიუზან კოლინსმა განაცხადა.

კოლინსის თქმით, ამჟამინდელი საპროცენტო განაკვეთი ინფლაციის შემცირებას ხელს უწყობს, თუმცა ფასების ზრდის ტემპი კვლავ მაღალია. თუ ვითარება არ გაუმჯობესდება, მისი შეფასებით, Fed-მა მონეტარული პოლიტიკა მალე უნდა გაამკაცროს.

ეკონომისტების პროგნოზით, ივლისში საბაზო PCE ინდექსი, რომელიც სურსათისა და ენერგიის ფასებს არ ითვალისწინებს, წლიურად 3.3%-ით გაიზარდა. ივნისშიც იგივე მაჩვენებელი დაფიქსირდა. Fed-ის სამიზნე ინფლაცია 2%-ია.

აშშ-ში საბაზო ინფლაცია გასული წლიდან თანდათან მატულობს. Fed-ში ამას რამდენიმე ფაქტორს უკავშირებენ, მათ შორის იმპორტზე გაზრდილ ტარიფებს, ირანთან ომის გამო ნავთობის გაძვირებას და ხელოვნურ ინტელექტში მსხვილ ინვესტიციებს.

Fed-ის ძირითადი საპროცენტო განაკვეთი ამჟამად 3.5%-3.75%-ის ფარგლებშია. ცენტრალურ ბანკს განაკვეთი დეკემბრის შემდეგ აღარ შეუცვლია და შემდგომ გადაწყვეტილებას ინფლაციის მაჩვენებლების მიხედვით მიიღებს.

წყარო: Investing.com