Uber მსოფლიოში უმსხვილესი რობოტაქსების პლატფორმის შექმნას გეგმავს

Uber მსოფლიოში ავტონომიური ტრანსპორტის ყველაზე დიდი პლატფორმის შექმნას გეგმავს. მიუხედავად იმისა, რომ წელს Uber-ის აქციების ფასი შემცირდა, კომპანიის ძირითადი მაჩვენებლები კვლავ იზრდება. შეკვეთების საერთო ღირებულება 22%-ით გაიზარდა, საოპერაციო მოგებამ კი 2 მილიარდ დოლარს მიაღწია.

Uber გეგმავს, თანხის ნაწილი ტექნოლოგიის განვითარებასა და პარტნიორ კომპანიებთან თანამშრომლობის გაფართოებაზე დახარჯოს. მისი მიზანია, სხვადასხვა მწარმოებლის რობოტაქსები საკუთარ პლატფორმაზე გააერთიანოს და მგზავრებს ერთიანი მომსახურება შესთავაზოს.

ეს მიმართულება დიდ ხარჯებთან არის დაკავშირებული. უახლოეს წლებში Uber-ს შესაძლოა მილიარდობით დოლარის დახარჯვა დასჭირდეს, რაც ინვესტორების ნაწილში კითხვებს აჩენს.

რობოტაქსების ბაზარზე Uber-ს Tesla-სა და Waymo-სთან უწევს კონკურენცია. განსხვავება ისაა, რომ Uber თავად ავტომობილებს არ აწარმოებს და სხვადასხვა ტექნოლოგიურ კომპანიასთან თანამშრომლობას ეყრდნობა. კომპანია ამ მოდელით ცდილობს, ავტონომიური ტრანსპორტის გავრცელებაში ერთ-ერთი მთავარი როლი დაიკავოს.

წყარო: Yahoo Finance