უზბეკეთის პრეზიდენტი შავკათ მირზიოევი სახელმწიფო ვიზიტით საქართველოს ეწვევა
უზბეკეთის პრეზიდენტი შავკათ მირზიოევი 2-3 ივლისს, საქართველოს პრემიერ-მინისტრ ირაკლი კობახიძის მიწვევით, სახელმწიფო ვიზიტით საქართველოს ეწვევა.
ვიზიტის ფარგლებში თბილისში მაღალი დონის შეხვედრები გაიმართება საქართველოს პრეზიდენტ მიხეილ კაველაშვილისა და პრემიერ-მინისტრ ირაკლი კობახიძესთან.
მოლაპარაკებების მთავარი თემა საქართველო-უზბეკეთის მეგობრული ურთიერთობებისა და მრავალმხრივი თანამშრომლობის კიდევ უფრო გაღრმავება იქნება. მხარეები განიხილავენ პოლიტიკური დიალოგის გაძლიერებას, საპარლამენტო და რეგიონულ თანამშრომლობას, სავაჭრო-ეკონომიკური კავშირების გაფართოებას, ასევე კულტურული და ჰუმანიტარული ურთიერთობების განვითარებას.
განსაკუთრებული ყურადღება დაეთმობა თანამშრომლობას მრეწველობის, ფარმაცევტიკის, ქიმიური მრეწველობის, სოფლის მეურნეობის, ტურიზმის, ენერგეტიკისა და IT სექტორებში.
პრიორიტეტულ საკითხებს შორის იქნება სატრანსპორტო და ლოგისტიკური თანამშრომლობა, ასევე უზბეკური ექსპორტის გეოგრაფიის გაფართოების შესაძლებლობების შექმნა.
ლიდერები ასევე რეგიონულ და საერთაშორისო აქტუალურ საკითხებზე გაცვლიან მოსაზრებებს.
ვიზიტის დასრულების შემდეგ მხარეები სხვადასხვა სფეროში თანამშრომლობის შესახებ ორმხრივი დოკუმენტების მნიშვნელოვან პაკეტს მოაწერენ ხელს.
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
