ვენესუელა მოპოვებული ნავთობის თითქმის ნახევარს აშშ-ს აწვდის
ვენესუელა მოპოვებული ნავთობის თითქმის ნახევარს აშშ-ში გზავნის. ამის შესახებ ჰიუსტონში გამართულ ღონისძიებაზე აშშ-ის ენერგეტიკის მინისტრის მოადგილემ, კაილ ჰაუსტვეიტმა განაცხადა.
მისი თქმით, ვენესუელა ყოველდღიურად დაახლოებით 1.25 მილიონ ბარელ ნავთობს მოიპოვებს, საიდანაც 500 ათას ბარელზე მეტი ბოლო თვეებში ამერიკულ ნავთობგადამამუშავებელ ქარხნებში ხვდება.
ჰაუსტვეიტის განმარტებით, ეს ქარხნები სწორედ ვენესუელური ნავთობის გადასამუშავებლად არის აშენებული, ამიტომ ამერიკული კომპანიები ამ ნედლეულს აქტიურად ყიდულობენ.
მისივე თქმით, ვენესუელაში მდგომარეობა გარკვეულწილად უმჯობესდება და ქვეყანა მოქმედი კონტრაქტების შესრულებას აგრძელებს.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
