Wolfe Research-მა სამი რჩეული აქცია დაასახელა

Wolfe Research-ის შეფასებით, მეორე კვარტლის ანგარიშების გამოქვეყნებამდე სექტორში ყველაზე საინტერესო კომპანიები MSCI, S&P Global და Moody’s არიან.

ივლისის შუა რიცხვების მონაცემებით, Wolfe-ის შესაბამისი ინდექსი 4%-ით გაიზარდა, მაშინ როცა S&P 500-ის ზრდამ 1% შეადგინა. ანალიტიკოს სკოტ უერცელის განცხადებით, სექტორის კომპანიების შედეგებს ხელს უწყობს ობლიგაციების ბაზარზე გაზრდილი აქტივობა და საფონდო ბაზრების ზრდა.

Wolfe Research-ის მთავარი არჩევანი MSCI-ია. კომპანიის ზრდას, მათი შეფასებით, ინდექსურ პროდუქტებზე მოთხოვნა და აქციების ბაზრების ზრდის შედეგად მიღებული საკომისიო შემოსავლები შეუწყობს ხელს. MSCI-ის აქციის სამიზნე ფასი 710 დოლარია.

მეორე ადგილზე S&P Global-ია. Wolfe Research ვარაუდობს, რომ ობლიგაციების გამოშვების მოცულობამ შესაძლოა კომპანიის შედეგებსა და წლიურ პროგნოზზე დადებითად იმოქმედოს. აქციის სამიზნე ფასი 515 დოლარია.

მესამე კომპანია Moody’s-ია. ანალიტიკოსების შეფასებით, კომპანიის შედეგებს ობლიგაციების ბაზარზე გააქტიურება დაეხმარება, თუმცა წლიური პროგნოზის გაზრდის მეტი შესაძლებლობა S&P Global-ს აქვს. Moody’s-ის აქციის სამიზნე ფასი 550 დოლარია.

წყარო: Investing.com