Altera აშშ-ში IPO-სთვის ემზადება

ჩიპების მწარმოებელმა Altera-მ აშშ-ში აქციების პირველადი საჯარო შეთავაზებისთვის კონფიდენციალური განაცხადი შეიტანა. კომპანია IPO-თი $2 მილიარდზე მეტის მიღებას განიხილავს. ამ შემთხვევაში აღნიშნული ბოლო პერიოდის ერთ-ერთი ყველაზე დიდი ნახევარგამტარების სექტორის IPO იქნება.

Altera პროგრამირებად ჩიპებს აწარმოებს, რომლებიც მონაცემთა ცენტრებში, სატელეკომუნიკაციო ქსელებში, სამრეწველო მოწყობილობებში, თავდაცვის სფეროსა და AI სისტემებში გამოიყენება. კომპანია უშუალოდ AI ჩიპებზე არ არის ორიენტირებული, თუმცა მის პროდუქტებს მონაცემთა ცენტრებში GPU-ებთან ერთად იყენებენ, მათ შორის ქსელისა და მონაცემების დამუშავებისთვის.

Altera Intel-მა 2015 წელს დაახლოებით $16.7 მილიარდად შეიძინა. გასულ წელს Silver Lake-მა კომპანიის 51% $4.46 მილიარდად იყიდა, რაც Altera-ს $8.75 მილიარდად აფასებდა. Intel-მა დარჩენილი 49% შეინარჩუნა.

IPO ამერიკის საჯარო შეთავაზებების გააქტიურების პერიოდს ემთხვევა. წელს აშშ-ში IPO-ებით მიღებულმა თანხამ უკვე $145 მილიარდს გადააჭარბა. Altera-ს ხელმძღვანელობა 2026 წელს შემოსავლების დაახლოებით 20-25%-იან ზრდას ელოდება.

წყარო: Reuters