Amazon გლობალური ინტერნეტ-სერვისის გაშვებისთვის ემზადება

Amazon წელს გლობალური ინტერნეტ-სერვისის ამოქმედებას გეგმავს და ამ მიზნით ორბიტაზე თანამგზავრების კიდევ ერთი ჯგუფი გაუშვა.

ხუთშაბათს, ფლორიდაში მდებარე კეიპ კანავერალის კოსმოსური სადგურიდან, United Launch Alliance-ის რაკეტა Atlas V-მა Amazon-ის 29 თანამგზავრი ორბიტაზე გაიტანა. ამის შემდეგ კომპანიას კოსმოსში უკვე 390-ზე მეტი თანამგზავრი ჰყავს განთავსებული.

Amazon Leo-ს წარმომადგენლის თქმით, ეს რაოდენობა საკმარისია იმისთვის, რომ კომპანიამ საწყისი ინტერნეტ-სერვისი მიმდინარე წელს დაიწყოს.

პროექტის მიზანია მაღალსიჩქარიანი ინტერნეტის მიწოდება მსოფლიოს სხვადასხვა რეგიონში. ამ მიმართულებით Amazon SpaceX-ის Starlink-ს გაუწევს კონკურენციას.

ამ ეტაპზე გაშვებების დიდი ნაწილი Atlas V-ის რაკეტებით ხორციელდება, თუმცა მომავალში Amazon ULA-ს ახალი Vulcan-ის გამოყენებასაც გეგმავს. Vulcan-ის შემთხვევაში ტექნიკური შეფერხებები და დაგვიანებები იყო, მაგრამ კომპანია პროექტზე მუშაობას მაინც აგრძელებს.

წყარო: Investing.com