Amazon ინდოეთში სწრაფი მიწოდების ბიზნესში $3 მილიარდის ინვესტიციას გეგმავს
Amazon 2030 წლამდე ინდოეთში სწრაფი მიწოდების ბიზნესის გაფართოებისთვის 3 მილიარდი დოლარის ინვესტირებას გეგმავს.
Amazon Now მომხმარებლებს ყოველდღიური პროდუქციის რამდენიმე წუთში მიწოდებას სთავაზობს. კომპანია თანხის ნაწილს საცხოვრებელ უბნებთან ახლოს მცირე საწყობების გახსნას, პროდუქციის ასორტიმენტის გაფართოებასა და მარაგების მართვის სისტემების გაუმჯობესებას დაუთმობს. მოთხოვნის უკეთ პროგნოზირებისთვის Amazon ხელოვნურ ინტელექტსაც გამოიყენებს.
ინდოეთის სწრაფი მიწოდების ბაზარზე Amazon-ის წილი ამჟამად მხოლოდ 6.2%-ია. Blinkit, Swiggy და Zepto კი ერთად ბაზრის 77%-ს აკონტროლებენ. Amazon-ს დაახლოებით 750 ობიექტი აქვს და მომავალი წლის აპრილისთვის მათი რაოდენობის 1,300-მდე გაზრდას გეგმავს.
კომპანიას დაგეგმილი ინვესტიციის მოცულობა ოფიციალურად არ დაუდასტურებია. Amazon-ის განცხადებით, Amazon Now-ს გაყიდვები ბოლო სამი თვის ტემპის შენარჩუნების შემთხვევაში წლიურად 1 მილიარდ დოლარს გადააჭარბებს.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
