Anthropic-ი ნორვეგიაში მონაცემთა ცენტრით სარგებლობისთვის 10 მილიარდ დოლარს გადაიხდის
ხელოვნური ინტელექტის კომპანია Anthropic-მა ინფრასტრუქტურულ სტარტაპ Volta Infra-სთან ექვსწლიანი, 10 მილიარდი დოლარის შეთანხმება გააფორმა. Bloomberg-ის ინფორმაციით, შეთანხმების ფარგლებში Anthropic-ი ნორვეგიაში მდებარე მონაცემთა ცენტრით ისარგებლებს, რომლის სიმძლავრე 133 მეგავატია. ცენტრი Nvidia-ს ახალი Vera Rubin-ის ჩიპებით იქნება აღჭურვილი.
პროექტში Bitdeer Technologies-იც მონაწილეობს. კომპანია იმ მონაცემთა ცენტრებს, რომლებსაც აქამდე კრიპტოვალუტის გამომუშავებისთვის იყენებდა, ხელოვნური ინტელექტის სისტემებს მოახმარს.
Volta Infra მიმდინარე წლის იანვარში Brookfield Asset Management-ის ყოფილი ხელმძღვანელების მიერ დაფუძნდა. კომპანიის ღირებულება 2.4 მილიარდ დოლარს აღწევს და უკვე თანამშრომლობს SpaceX-თან და AMD-სთან, ასევე განიხილავს Meta-ს მონაცემთა ცენტრების იჯარით აღებასაც.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
