Apollo-მ BMG-ში $1.25 მილიარდის ინვესტიცია განახორციელა
Apollo Global Management-მა მუსიკალურ კომპანია BMG-ში 1.25 მილიარდი დოლარის ინვესტიცია განახორციელა. გარიგება BMG-ისა და Concord-ის გაერთიანებას უკავშირდება. Apollo-მ BMG-ის შვილობილ კომპანიაში წილი მიიღო, რომლის აქტივებში Concord-ის მილიონზე მეტი სიმღერის კატალოგიც შედის.
BMG მიღებული თანხის ნაწილს Concord-ის არსებული ვალდებულებების დასაფარად გამოიყენებს. გაერთიანებული კომპანია BMG-ის სახელით გააგრძელებს მუშაობას, მისი მთავარი ოფისი კი ნეშვილში იქნება. ბიზნესში გაერთიანებულია მუსიკის გამოცემა, ჩანაწერები, თეატრალური უფლებები და ციფრული დისტრიბუცია.
Apollo-სთვის მუსიკალური ინდუსტრია ახალი მიმართულება არ არის. 2022 წლიდან კომპანია Concord-ს $4.5 მილიარდზე მეტი მოცულობის, მუსიკალური აქტივებით უზრუნველყოფილი ფასიანი ქაღალდების გამოშვებაში დაეხმარა. ბოლო ხუთ წელიწადში Apollo-ს მუსიკალურ ინდუსტრიაში განხორციელებული ინვესტიციებისა და დაფინანსების საერთო მოცულობამ $8 მილიარდს გადააჭარბა.
BMG 2008 წელს შეიქმნა და გერმანულ მედიაკომპანია Bertelsmann-ს ეკუთვნის. Concord-თან გაერთიანების შემდეგ კომპანიამ საქმიანობა ერთიანი BMG-ის სახელით გააგრძელა.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
