Apple ჭკვიანი სახლის ახალ მოწყობილობას 13 ოქტომბერს წარადგენს
Apple ჭკვიანი სახლისთვის განკუთვნილი ახალი მოწყობილობის წარდგენას გეგმავს. კომპანია J490-ის სახელით ცნობილ მოწყობილობას 13 ოქტომბერს წარადგენს.
ახალი პროდუქტი დაახლოებით ექვსდიუმიანი კვადრატული ეკრანი იქნება. მისი კედელზე დამაგრება ან მაგიდაზე მოთავსება იქნება შესაძლებელი. მოწყობილობა ოჯახის წევრებს ამოიცნობს და თითოეულ მათგანს საკუთარ ანგარიშსა და მონაცემებზე მორგებულ ინფორმაციას შესთავაზებს.
J490 ფუნქციებით Amazon Echo-სა და Google Home-ს გაუწევს კონკურენციას. Apple-ს ჭკვიანი სახლის მიმართულებით უკვე აქვს HomePod და HomePod mini, თუმცა კომპანია აღნიშნულ ბაზარზე Amazon-სა და Google-ს ჩამორჩება.
იმავე ღონისძიებაზე შესაძლოა განახლებული HomePod mini და Apple TV-ც წარადგინონ. HomePod mini-ს ახალი ვერსია 2020 წლის შემდეგ პირველად გამოვა, Apple TV კი 2022 წლის შემდეგ განახლდება. დიზაინი თითქმის უცვლელი დარჩება, თუმცა მოწყობილობები უფრო სწრაფი პროცესორებით გამოვა, რათა Siri-ის ახალი AI ფუნქციები უკეთ იმუშაოს. Apple-ს ინფორმაცია ოფიციალურად ჯერ არ დაუდასტურებია.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
