აშშ ჩინეთში თვითმფრინავის ნაწილების ექსპორტის წესებს ამკაცრებს

აშშ ჩინეთში თვითმფრინავის ნაწილების ექსპორტზე კონტროლს ამკაცრებს. ვაშინგტონს სურს, ჩინეთის დამოკიდებულება ამერიკულ საავიაციო ტექნოლოგიებზე სავაჭრო მოლაპარაკებებისას თავის სასარგებლოდ გამოიყენოს.

ამასთან, აშშ ახალ წესებს ამზადებს, რომლებიც თვითმფრინავის საბორბლე სისტემისა და სხვა მნიშვნელოვანი ნაწილების ჩინეთში გაყიდვის შეზღუდვას გაამარტივებს. ახალი წესები შესაძლოა საავიაციო ჰიდრავლიკურ სითხეზეც გავრცელდეს.

ჩინურ სახელმწიფო კომპანია COMAC-ს ზოგიერთი ამერიკული ნაწილის შესყიდვა უკვე შეუზღუდეს, რათა კომპანიამ დიდი მარაგები ვერ დააგროვოს.

ჩინეთს ამერიკული ნაწილები სჭირდება როგორც Boeing-ისა და Airbus-ის თვითმფრინავებისთვის, ისე საკუთარი ავიაწარმოების გასაზრდელად. პეკინი 200 ახალი Boeing-ის შეძენასთან ერთად რამდენიმე წლისთვის საკმარისი სათადარიგო ნაწილების მიწოდების გარანტიასაც ითხოვს, თუმცა ვაშინგტონი ამ მოთხოვნაზე თანხმობას ჯერ არ ჩქარობს.

საავიაციო სექტორი აქამდე აშშ-ჩინეთის სავაჭრო დაპირისპირებისგან შედარებით ნაკლებად იყო დაზარალებული. ახლა კი ვაშინგტონი ამ სფეროშიც ამკაცრებს პირობებს.

ამავე დროს, აშშ ცდილობს, ჩინეთიდან იშვიათმიწა ლითონების მიწოდება არ შეფერხდეს. ორ ქვეყანას შორის დროებითი სავაჭრო შეთანხმება 2027 წლის 10 იანვრამდე მოქმედებს.

წყარო: Reuters